頁:
[1]
黃宗澤黃翠如《溏心3》實景 一棵樹成關鍵搗破瀕危養殖場
當日拍攝後場主上載黃宗澤合照，而佢手上嘅猴面鷹被列入瀕危野生動植物種國際貿易公約附錄(II)。(Facebook圖片)TVB台慶劇《溏心風暴3》喺頒獎禮上捧蛋而回，網友唔賣帳大鬧劇情老套唔貼地，收視仲屢創新低。但估唔到劇集播出後，居然帶出重要線索，幫到警方成功搗破非法瀕危養殖場，搜出大批包括狐狸、豹貓、水瀨、孔雀、娃娃魚、星龜、蘇卡達象龜等罕見野生動物。
無限複製第一第二輯嘅金句、爭產，再金句、爭產，可算係網友唔Buy《溏心風暴3》嘅主因之一。(網上圖片)
瀕危養殖場場主，大模斯樣經常上載自己繁殖瀕危動物嘅相片。(Facebook圖片)
好多網友成日鬧TVB劇唔貼地，成日貪方便喺廠搭景拍攝，公屋好似成千呎，豪宅就套套都用同一間。台慶劇《溏心風暴3》足足40集，而且係同內地合拍，資金多啲實景拍攝都好似多啲。第25集講到黃宗澤同黃翠如火化寵物，就係呢一幕，黃宗澤身後呢棵大樹，令一班一直追查瀕危動物養殖場所在嘅動物義工，搵到養殖場確實位置。
就係呢一棵樹，令一班動物義工搵到養殖場所在位置。(影片截圖)
23號下晝八鄉揭發瀕危動物養殖場，當中不乏瀕危動物，包括狐狸、豹貓、水瀨、孔雀、娃娃魚、星龜、蘇卡達象龜等罕見野生動物，分別有一級及二級瀕危動物，數量驚人，規模猶如「動物園」。原來有動物義工早在一年前發現有人於郊野公園設下陷阱捕捉穿山甲，知道有呢個養殖場，但單憑公園樹木及背景未能確定確實地址。直至場主上載黃宗澤當日去拍攝時嘅相片，對比《溏心風暴3》播出後片尾鳴謝資料，終於成功識破呢個瀕危養殖場所在位置。
被捕場主上載多張《溏心3》拍攝花絮照片。(Facebook圖片)
標籤：
...<div class='locked'><em>瀏覽完整內容，請先 <a href='member.php?mod=register'>註冊</a> 或 <a href='javascript:;' onclick="lsSubmit()">登入會員</a></em></div><div></div>
頁:
[1]