伊莉討論區

標題: 欣宜自覺開花期學Say No 周秀娜放慢生活步伐 [打印本頁]

作者: rousseau73 時間: 2017-4-12 12:06 AM 標題: 欣宜自覺開花期學Say No 周秀娜放慢生活步伐

周秀娜（Chrissie）與鄭欣宜喺彭秀慧執導嘅電影《29+1》中，分別演繹踏入30歲嘅女生，描述女生如何迎接30歲呢個關口。

二人日前於鰂魚涌接受訪問時，被問到30歲算不算踏入人生另一個階段？欣宜話：「我哋之前決定咗『29+1』，唔係真係一個數字，可能係人生發生一個轉捩點，我嘅轉捩點喺較早前已經發生，都算係另一個人生階段，我喺23歲左右，自己一個人住，工作上唔同，感情上嘅唔同。」今年迎接30歲嘅欣宜指當年自己瞬間成熟：「我發現自己o依家先至正式開花，o依家先至成熟，先至開始我嘅人生。」
Chrissie指30歲絕對係人生嘅另一階段，因為佢話遇到參演《29+1》，其實係一個幾大嘅轉變，因為今次個角色，係好大挑戰，佢話：「對於我嚟講係好大突破，同時間有好多壓力，同戲入面角色、情緒都好相似，係一個生活上嘅變化。
對於人生另一階段嘅人生追求，Chrissie話：「肯唔肯好似20歲咁去嘗試，唔好被生活綑綁，好多時我哋被責任阻礙，突然間去變化我哋唔知點算，先至令自己不知所措。」欣宜話：「對我來講有選擇權係最重要，因為可能細個覺得自己冇得揀，唔係鍾意嘅工作都要做，o依家開花期，過去30年更加認識自己，經歷唔同嘅經歷，我開始知道自己鍾意乜嘢，需要乜嘢。」
去到一個頗有人生經歷嘅年紀，會學懂放棄，欣宜話：「工作上我好衝，年紀越大，有時唔係say yes係本事，要學去say no，放棄一啲機會先至做得更好，量多唔代表做得好，用時間去休息，唱歌同表達能力先至會更好。」Chrissie認為：「我以前唔識，近年開始放慢啲時間，曾嘗試將工作排到好滿，咁樣就係安全感，我睇過一句說話，如果得兩隻手，要去捉緊所有嘢，根本唔會有另一隻手去接觸另一樣嘢。」
至於o依家喺感情上有何追求，Chrissie認為：「男仔好需要自尊，要有同樣價值觀，我自己唔覺得有乜問題，但原來對方介意，我唔知，我知道要搵個適合自己嘅人，我唔需要靚仔，最好有才華。o依家啲人諗得好複雜，以為好簡單嘅嘢係o氹唔到我哋，不妨試嚇。」
欣宜則坦言：「我做呢行要娛家，我好想有一個人可以令到我笑。因為好多人都好悶。拍過拖幾次，我會現實啲諗，喺生活經濟方面，唔可以離開太遠，因為大家會好難去就大家，以前唔介意，o依家會留意番。」

心得：一個性感尤物，一個以實力取勝，各有擅長，一剛一柔，各取所需。

[attach]118376716[/attach][attach]118376717[/attach][attach]118376718[/attach][attach]118376719[/attach][attach]118376720[/attach][attach]118376721[/attach][attach]118376722[/attach][attach]118376723[/attach][attach]118376724[/attach][attach]118376726[/attach][attach]118376725[/attach][attach]118376727[/attach]

歡迎光臨伊莉討論區 (http://web01.eyny.com/)